Ստաս Միխայլովը Պուտինի կողմնակիցների տեսանյութում նկարահանվել է անվճար

Պուտինի քարոզչական տեսահոլովակում նկարահանված Ստաս Միխայլովը, որն այդ տեսանյութում կոչ է անում քվեարկել Վլադիմիր Պուտինի օգտին, պատմել է, թե որն է եղել դրա պատճառը։

Այն բանից հետո, երբ եթեր է հեռարձակվել քարոզչական տեսահոլովակը, շատերին հուզել է այն հարցը, թե որքան գումար է ստացել երգիչը՝ բոցաշունչ ճառ արտասանելու համար, քանի որ շատերը Միխայլովին համարում են Ռուսաստանի «ամենաթանկ» արվեստագետներից մեկը, որը բավականին նրբանկատ է ֆինանսական հարցերում։

Ինչքան մեծ է եղել այդ մարդկանց զարմանքը, երբ Ստասը հայտարարել է, որ դա նա արել է անվճար՝ հայրենասիրական մղումներով։ Նա շեշտել է նաև, որ ինքը հավատում է միայն Պուտինին, որովհետև զգում է նրա մեջ եղած մեծ ուժը։ Ավելին, Ստաս Միխայլովի կարծիքով, իր պես պետք է վարվի ցանկացած ՌԴ քաղաքացի, որը սիրում է իր հայրենիքը։