22 հազար մարդ ցանկություն է հայտնել անդամագրվել Պրոխորովի ապագա կուսակցությանը

Կուսակցությանը, որը մտադիր է ստեղծել Ռուսաստանի նախագահի թեկնածու, գործարար Միխայիլ Պրոխորովը, անդամագրվելու ցանկություն են հայտնել ավելի քան 22 հազար մարդ։ Մեկ օրվա ընթացքում նախագահի թեկնածուի պաշտոնական կայքում մոտ 22 հազար մարդ հայտագրվել են նոր ստեղծվելիք կուսակցությանն անդամագրվելու համար, հաղորդում է Интерфакс–ը։

Ավելի վաղ Միխայիլ Պրոխորովն իր բլոգում գրել էր, որ նոր կուսակցությունն այն կողմնորոշիչն է լինելու նրանց համար, «ովքեր իրենք են ցանկանում որոշել իրենց երկրի, քաղաքի, շրջանի ճակատագիրը»։