Հրապարակվել են Ռուսաստանի նախագահական ընտրությունների թեկնածուների ծախսած գումարները

«Ռոսիյսկայա գազետա»-ն հրապարակել է Ռուսաստանի նախագահական ընտրություններում առաջադրված թեկնածուների նախընտրական քարոզարշավի համար նախատեսված բյուջեները։ Այսպես, վարչապետ Վլադիմիր Պուտինի նախընտրական ֆոնդին է փոխանցվել 411,0336 մլն ռուբլի, որից ծախսվել է 33,2972 մլն-ը։ 

Բիզնեսմեն Միխայիլ Պրոխորովի նախընտրական բյուջե է փոխանցվել 400 մլն ռուբլի, որից ծախսվել է 319,6229 մլն-ը։ 

Կոմկուսի առաջնորդ Գենադի Զյուգանովի և Լիբերալ-դեմոկրատական կուսակցության ղեկավար Վլադիմիր ժիրինովսկիի բյուջեների գումարը կազմել է համապատասխանաբար 262,8114 մլն և 225 մլն ռուբլի։ Առաջինի բյուջեից ծախսվել է 251,3787 մլն, երկրորդի բյուջեից՝ 210,1234 մլն ռուբլի

«Արդար Ռուսաստան» կուսակցության ղեկավար Սերգեյ Միրոնովի նախընտրական բյուջե է փոխանցվել 128,8404 մլն, ծախսվել է 118,7042 մլն ռուբլի։