Ռուսաստանում օլիգարխիային վերջ է դրվելու. Պուտին

Ռուսաստանի վարչապետ Վլադիմիր Պուտինը գտնում է, որ վերջին տասնամյակում կոռուպցիայի առումով երկրում  իրավիճակը բարելավվել է, քանի որ նոր օլիգարխներ ի հայտ չեն գալիս, որոնք անօրինական կերպով տիրանում են պետական սեփականությանը, հաղորդում է Интерфакс–ը։

«Մենք վերջին տասնամյակում դեռևս այդպիսի դեպք չենք ունեցել, երբ նոր օլիգարխներ են ի հայտ եկել։ Մենք միլիարդների հասնող պետական սեփականությունը չենք տալիս նրանց առանց վճարի, ինչը տեղի էր ունենում 90–ականների կեսերին», – ասել է Պուտինը՝ օտարերկրյա լրատվամիջոցների հետ հանդիպման ժամանակ։

Ըստ նրա, օլիգարխը ուղղակի հարուստ մարդը չէ։ «Կարծում եմ, որ հարուստ մարդ լինել հնարավոր է նաև օրինական ճանապարհով։ Օլիգարխը նա է, որ օգտվում է իր իշխանական բոլոր լծակներից, օգտվում է սեփականության ձեռք բերման անարդար համակարգից և ազատ շուկայական անարդար խաղի կանոններով է գործում, որի պատճառով անբերխղճորեն յուրացնում է պետության և ազգային հարստության հսկայական մասը», - ասել է վարչապետը։

Նրա կարծիքով՝ «իշխանության համար պայքարող այդ մարդկանց խումբն էլ կոչվում է օլիգարխիա»։

«Այժմ մեզ մոտ նման բան գոյություն չունի և չի կարող լինել», – ասել է Վլադիմիր Պուտինը։

Հիշեցնենք, որ վարչապետ Վլադիմիր Պուտինը մարտի 4–ին կայանալիք Ռուսաստանի նախագահական ընտրություններին մասնակցող թեկնածուներից է։