«Դոմ 2»-ի նոր մասնակից, հայազգի Ռաիսան ծեծել է մեկ այլ մասնակցի

Ռուսաստանի Չելյաբինսկ քաղաքում հայտնի հայազգի երգչուհի Ռաիսա Գրիգորյանը զարմացրել է բոլորին ոչ թե հետաքրքիր ձայնով, այլ ուժով։ Ռուսական ԶԼՄ–ները կես–կատակ, կես–լուրջ նշում են, որ Ռաիսան շուտով կարող է արդեն հավակնել քիքբոքսինգի աշխարհի չեմպիոնուհի Նատալյա Ռագոզինայի տիտղոսներին։

«Դոմ 2» հեռուստանախագծի հայազգի նոր մասնակիցը զարմացրել է բոլորին ծեծկռտուքի հանդեպ ունեցած իր հակումով։ Վերջերս տեղի ունեցած երեկույթներից մեկի ժամանակ, որը կազմակերպվել էր մասնակիցներից մեկի՝ Եկատերինա Տոկարևա–Վենգռժանովսկայայի ծննդյան տարեդարձի առթիվ, գրեթե բոլոր ներկաների մասնակցությամբ մեծ ծեծկռտուք է սկսել, որի ժամանակ էլ Ռաիսան ցուցադրել է իր հզոր չելյաբինսկյան բռնուցքով հարվածը։ Հեռուստադիտողների քննարկումից պարզ է դարձել, որ տվյալ օրը տեղի ունեցած ծեծկռտուքի պես շոու շատերը երկար ժամանակ է ականատես չէին եղել։ Առավելապես աչքի է ընկել Ռաիսա Գրիգորյանը, որի հարվածի հետևանքով օրվա հոբելյարը նոկաուտի է ենթարկվել։