«Յաբլոկո» կուսակցության դիտորդներն ահազանգում են զանգվածային ընտրակեղծիքների մասին
Ռուսաստան
«Յաբլոկո» կուսակցությունը հայտնում է Ռուսաստանի նախագահական ընտրությունների ընթացքում խախտումների ու կեղծիքների մասին:
Կուսակցության դիտորդների արձանագրած խախտումներն են, մասնավորապես, ընտրատեղամասերում խմբերով քվեարկությունը, ուրիշի փոխարեն քվեարկությունները, անձնագրի փոխարեն այլ անձը հաստատող փաստաթղթերով զանգվածաբար ներկայանալը, որոշ տեղամասերում` նաև լցոնումները: Հատկանշական է, որ բազմաթիվ ընտրատեղամասերում ընտրական լրացուցիչ ցուցակներում հարյուրավոր անուններ են ավելացվում: Լրացուցիչ ցուցակներում, ըստ օրենքի, պետք է ընդգրկվեն այն քաղաքացիները, որոնք թեև գրանցված են այլ վայրում, սակայն ֆիզիկապես այլ տեղ գտնվելու պարագայում քվեարկում են այլ տեղամասում, հաղորդում է Газета.Ru-ն:
Դիտորդներն ահազանգել են, որ ընտրակեղծիքներ են տեղի ունենում ոչ միայն մայրաքաղաք Մոսկվայում, այլև` շրջաններում: Այսպես, Վլադիվոստոկի ընտրատեղամասերից մեկում 155 քաղաքացի պարզել է, որ իրենք արդեն քվեարկել են:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
