Չեչնյայում մի քանի ժամում ընտրություններին մասնակցել է ընտրողների 50 տոկոսից ավելին

Չեչնյայում կեսօրին Ռուսաստանի նախագահական ընտրություններին մասնակցել է ընտրողների 50%-ը: Այդ մասին հայտարարել է հանրապետության ղեկավար Ռամզան Կադիրովը:

«Ես ստացել եմ հանրապետության ընտրական կոմիտեի տվյալները: Դրանք վկայում են, որ կեսօրին ընտրություններին մասնակցել է ընտրողների ավելի քան 50 տոկոսը: Դա վկայում է բարձր ակտիվության մասին»,- Կադիրովի խոսքերն է մեջբերում Интерфакс-ը:

Հատկանշական է, որ Չեչնյան մշտապես աչքի է ընկնում ընտրողների մեծ «ակտիվությամբ»: