Twitter-ում բացվել է Ռուսաստանում ԱՄՆ–ի դեսպանի կեղծ էջը, որտեղ սադրիչ նյութեր են տեղադրվում ՌԴ ընտրությունների վերաբերյալ

Twitter սոցիալական ցանցում բացվել է Ռուսաստանում ԱՄՆ–ի դեսպան Մայքլ Մակֆոլի կեղծ էջը, որտեղ տեղադրվում են ՌԴ նախագահական ընտրությունների վերաբերյալ սադրիչ տեղեկությունները, որոնք իրենց հերթին ռուսական որոշ ԶԼՄ–ներ հրապարակում են, հաղորդում է Газета.Ru–ն։

Կեղծ էջում նույն անձնական տեղեկություններն են տեղադրված, որոնք որ գոյություն ունի Մայքլ Մակֆոլի իրական Twitter-յան էջում։ 

«Իհարկե դա կեղծ էջ է։ Հուսով եմ այդ թյուրիմացությունը շուտով կվերացվի», – իր իրական Twitter-յան էջում գրել է Մակֆոլը։ 

Մակֆոլի Twitter-յան կեղծ էջում ՌԴ նախագահական ընտրությունների վերաբերյալ կեղծ հաղորդագրությունները հրապարակել են որոշ ԶԼՄ–ներ, սակայն Ռուսաստանի գլխավոր լրատվական գործակալությունները հայտնել են, որ Մակֆոլի կեղծ էջը բացվել է անհայտ անձանց կողմից կիրակի օրը։ 

«Դիտորդների հաղորդմամբ, ընտրատեղամասերի մեծ մասում արձանագրված կոպիտ խախտումները հարցականի տակ են դնում ընտրությունների լեգիտիմությունը», – նշվում է Մակֆոլի Twitter-ի կեղծ էջում։