«Մանեժնայա» հրապարակում հավաքվել է Պուտինի ավելի քան 100.000 կողմնակից

Մոտ 100 հազար մարդ է հավաքվել «Մանեժնայա» հրապարակում, որտեղ ժամը 22:00-ին սկսվելու է գործող վարչապետ, նախագահի թեկնածու Վլադիմիր Պուտինի կողմնակիցների հանրահավաքը: Այդ մասին հաղորդում է Интерфакс-ը՝ հղում անելով իրավապահ մարմինները: 

«21:15-ի դրությամբ հրապարակում հավաքվել է ավելի քան 100 հազար մարդ, քաղաքացիների հոսքը չի դադարում»,- ասել է լրատվամիջոցի զրուցակիցը՝ հավելելով, որ դեռևս միջադեպեր չեն արձանագրվել: 

Հատկանշական է, որ ոստիկանությունը շրջափակել է «Բոլոտնայա» և «Մանեժնայա» հրապարակները: