Ռուսաստանը պառակտվել է. ռուս քաղաքագետ

Քաղաքագետ, Արդյունավետ քաղաքականության ֆոնդի ղեկավար Գլեբ Պավլովսկին Ռուսաստանում կանխատեսում է ընդդիմադիր ակտիվության ուժգնացում, քանի որ քաղաքացիները չեն ընդունի այսօր կայացած նախագահական ընտրությունների արդյունքները, որի նախնական տվյալներով նախագահ է ընտրվել գործող վարչապետ Վլադիմիր Պուտինը: 

«Անկասկած, բողոքական ակտիվությունը աստիճանաբար կաճի, սակայն պետության ճակատագիրը չի կարող որոշվել փողոցում»,- ասել է քաղաքագետն՝ ընդգծելով, որ Պուտինի հաղթանակը կանխատեսելի էր: 

Պավլովսկին մատնացույց է արել այն հանգամանքը, որ քաղաքներում, մասնավորապես՝ Մոսկվայում երկրորդ հորիզոնականն է զբաղեցրել գործարար Միխայիլ Պրոխորովը, թեև դաշնության կտրվածքով Պուտինին հաջորդում է կոմունիստ Զյուգանովը, հաղորդում է NEWSru.com-ը:

«Պրոխորովին ընտրողները գիտակցաբար Պուտինին չընտրած քաղաքացիներն են»,- ասել է նա՝ հավելելով, որ Ռուսաստանը պառակտվել է: