Ես չեմ հավատում այս ընտրությունների արդարությանը. Ալլա Պուգաչովա
Ռուսաստան
Ալլա Պուգաչովան ուրախ է նախագահի թեկնածու Միխայիլ Պրոխորովի համար և այսօր կայացած ընտրություններում նրա արձանագրած արդյունքները քաղաքական կարիերայի սկզբի համար գնահատում է լավ:
«Իհարկե, ես չեմ հավատում այս ընտրությունների արդարությանը»,- ասել է երգչուհին:
Պուգաչովան համարում է, որ ընտրությունների օրը տեղի ունեցած ամենակարևոր իրադարձությունն այն է, որ «զգացվում է հասարակության թարմացումը, ժողովուրդը չի լռում, մարդիկ վերջապես սկսում են ապրել, հասկանալ»:
Նա ընդգծել է, որ ուրախ է այն բանի համար, որ ժողովուրդը չվախեցավ և չխորշեց ընտրել նոր քաղաքական գործչի՝ Պրոխորովի օգտին: Երգչուհին շնորհավորել է նախագահի թեկնածուին և նորանոր հաջողություններ մաղթել, հաղորդում է «Ռիա նովոստի»-ն:
Հիշեցնենք, որ երեկ տեղի ունեցած նախագահական ընտրությունների նախնական տվյալներով՝ առաջատար է վարչապետ Վլադիմիր Պուտինը, որը ստացել է ընտրողների ձայների 63,88 տոկոսը: Երկրորդ տեղում է կոմունիստ Գենադի Զյուգանովը՝ 17,24%-ով, որին հաջորդում է Միխայիլ Պրոխորովը (7,1%): Ամփոփվել է քվեաթերթիկների 40 տոկոսը:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
