ՌԴ նախագահական ընտրությունները համապատասխանում են ժողովրդավարական չափանիշներին. ԱՊՀ դիտորդներ

Ռուսաստանում նախագահական ընտրություններն անցկացվել են Ռուսաստանի օրենսդրության տառին համապատասխան, թափանցիկ և մրցունակ։ Նման եզրահանգման է եկել ԱՊՀ դիտորդական առաքելությունը, հաղորդում է «Ռիա նովոստի»-ն։ 
Նախնական արդյունքների մասին դիտորդական առաքելության եզրակացության վերաբերյալ այսօր մամլո ասուլիսի ժամանակ հայտարարել է ԱՊՀ դիտորդական առաքելության ղեկավար Նաուրիզ Այդարովը։

«ԱՊՀ երկրների միջազգային դիտորդները հայտարարում են, որ առկնհայտ է քաղաքացիական ինստիտուտների բարձր քաղաքական ակտիվությունը, ընտրական գործընթացի բոլոր մասնակցիների ակտիվությունը, հանրահավաքների և հանդիպումների՝ առանց ցնցումների անցկացումը։ ԱՊՀ դիտորդական առաքելությունը մարտի 4–ին անցկացված ՌԴ նախագահական ընտրությունները գնահատում է որպես թափանցիկ, բաց մրցակցային և հայտնում, որ այն լիովին համապատասխանում է ժողովրդավարական չափանիշներին», - ասել է Այդարովը։