Հունվարին սպառողական շուկայում գրանցվել է 3.6 % գնաճ, իսկ փետրվարին արձանագրվել է 0.9% գնանկում

2011-ի փետրվարի նկատմամբ նկատմամաբ Հայաստանի սպառողական շուկայում արձանագրվել է 3.9% գնաճ: Այս մասին հայտնեց ՀՀ Ազգային վիճակագրական ծառայության գների վիճակագրության և միջազգային համադրումների բաժնի պետ Գուրգեն Մարտիրոսյանը' այսօր կայացած ասուլիսի ժամանակ:

Նրա փաստմամբ' 2012-ի հունվարին ՀՀ սպառողական շուկայում գրանցվել է 3.6 % գնաճ, իսկ փետրվարին' հունվարի նկատմամբ արձանագրվել է գնանկում' 0.9%:

Հունվարյան գնաճը, բանախոսի պարզաբանմամբ, պայմանավորված է դեկտեմբերի վերջին տասնօրյակում որոշ գյուղմթերքների նկատելի գնաճով:

Հունվարին դեկտեմբերի նկատմամբ արձանագրված 13 պարենային ապրանքախմբերից միայն շաքարավազի գծով է արձանագրվել գնանկում' 0.3%-ով, իսկ փետրվարին, հակառակը, 13 ապրանքախմբերից 7-ի դեպքում արձանագրվել է գնանկում:

ՀՀ-ում դիտարկվող 11 բնակավայրերում հունվարին արձանագրվել է 2.6-5.1% գնաճ, ամենաբարձր գնաճը' Եղեգնաձորում, իսկ Երևանում' 3.5%:

Գուրգեն Մարտիրոսյանի տվյալներով' փետրվարին դիտարկվող բոլոր բնակավայրերում գրանցվել է գնանկում, գնանկման ամենաբարձր ցուցանիշը գրանցվել է Թալինում, Երևանում' 1%:

Փետրվարին հունվարի նկատմամբ գրանցվել է 1.9% պարենային ապրանքների գնանկում, 0.2% գնաճ' ոչ պարենային ապրանքների գծով:

Այս տարվա հունվար-փետրվար ամիսների ցուցանիշով ամենաշատ գների բարձրացում գրանցվել է բանջարեղենի և մրգի շուկայում. առաջինի դեպքում' 2.7%, երկրորդի' 28.6%: Ադեն փետրվարին նկատվել է գնանկում' մրգի' 3.7%, բանջարեղենի' 10.5%:
Մեկ ամսվա ընթացքում արձանագրվել է հացամթերքի 0.6%, մսամթերքի' 0.1%, սուրճ-թեյ-կակաոյի'1%, հրուշակեղենի' 1.3%, այլ մթերքների գծով' 1.2% գնաճ:

Գնանկում է նկատվել ձկնամթերքի(0.8%), կաթնամթերքի (0.3 %), ձվի(1.2%), կենդանական յուղի(1.1%):

Մեկ ամսում ոգելից խմիչքների և ծխախոտի գինը աճել է 1.2%-ով, վերջիս պայմանավորված է տեղական արտադրանքի ծխախոտի գնի աճով: