Գների աճը կկանգնի նախընտրական շրջանում, իսկ ընտրություններից հետո նոր թռիչք կսկսվի. Արմեն Պողոսյան

Ըստ ՀՀ Ազգային վիճակագրական ծառայության գների վիճակագրության և միջազգային համադրումների բաժնի պետ Գուրգեն Մարտիրոսյանի՝ նախընտրական շրջանում գների անկում կնկատվի: Հարցի շուրջ Լուրեր.com-ը զրուցեց ՀՀ սպառողների ասոցացիայի նախագահ Արմեն Պողոսյանի հետ, որն ասաց. «Դա սովորական պրակտիկա է: Զարմանալի է, որ պետական ծառայողն է դա ասում: Մենք միշտ նկատել ենք, որ նախընտրական շրջանում ոչ թե անկում, այլ աճի դանդաղեցում կամ աճի սառեցում է նկատվում, որը հետո անդրադառնում է հետընտրական շրջանում գների կտրուկ թռիչքով: Պարզապես նա ասում է գների անկում, իսկ ես ասում եմ գների սառեցում: Աճը կանգնում է նախընտրական շրջանում, իսկ ընտրություններից հետո նոր թռիչք է սկսում: Սկսած հանրային ծառայություններից, ավարտված մնացած ապրանքներով: Նունիսկ գազի վրա: Միջպետական այդ գների վերանայումները այնպես են անում, որ հետաձգեն, երբ ավարտվի ընտրական շրջանը, հետո նոր գնի մասին խոսեն և ավելի բարձր գին սահմանեն: Տարիների փորձը դա է ցույց տվել»: