Ուկրաինայի ՆԳՆ հայտնել է Լուգանսկի մարզում զոհված 30 ուժայինների մասին

Ինչպես տեղեկացնում է dialog.ua-ն, 30 մարդ է զոհվել հուլիսի 11-ի առավոտյան Ուկրաինայի Լուգանսկի մարզի Սվերդլովսկի շրջանի Զելենոպոլե ավանի շրջանում Ուկրաինայի ուժայինների ստորաբաժանումների «Գրադ» համակարգի կիրառմամբ գնդակոծման հետևանքով: Այդ մասին հայտնել է Ուկրաինայի ՆԳ նախարարի խորհրդական Զորյան Շկիրյակը:

«Ըստ նախնական տվյալների՝ զոհվել է 30մարդ, սակայն հնարավոր է, որ ավելի շատ զոհեր լինեն»,- հայտարարել է նա՝ հուլիսի 11-ին Կիևում կայացած ճեպազրույցի ընթացքում։

Ավելի վաղ, ինքնահռչակ Լուգանսկի Ժողովրդական Հանրապետության աշխարհազորայինները հայտարարել են, որ իրենց հաջողվել է Պերևալսկ քաղաքի շրջանում Ուկրաինայի ռազմաօդային ուժերի ինքնաթիռ խփել: