Էրդողանը նոր սահմանադրություն է խոստանում Թուրքիային

Թուրքիայի նախագահի թեկնածու, գործող վարչապետ Ռեջեփ Թայիփ Էրդողանը խոստացել է նոր սահմանադրություն ընդունել, եթե իրեն ընտրեն Թուրքիայի նախագահ: Այս մասին, ինչպես հաղորդում է «Արմենպրես»-ը, հայտնում է Agence France-Presse-ը:

Ստամբուլում նախընտրական քարոզարշավի շրջանակում կազմակերպված միտինգում Էրդողանը հայտարարել է. «Նոր սահմանադրությունը նոր ապագա է նշանակում: Նոր սահմանադրություն մտցնելը, նախագահ ընտրվելու դեպքում, լինելու է իմ առաջնային գործերից մեկը»:

Սահմանադրության փոփոխությունն Էրդողանին թույլ կտա երկրի նախագահին օժտել մեծ լիազորություններով, որը ներկայում մեծամասամբ արարողակարգային դեր է խաղում: Նրա կարծիքով՝ Թուրքային նոր Սահմանադրություն է անհրաժեշտ, որին կվստահի ժողովուրդը:

Թուրքիայի կառավարությունը ընդդիմության հետ միասին շուրջ երկու տարի աշխատել է նոր սահմանադրության նախագիծ ստեղծելու վրա, սակայն, չի կարողացել մարդու իրավունքների հիմնարար ազատությունների հարցում վերջնական համաձայնություն ձեռք բերել:

Թուրքիայում նախագահական ընտրությունները նշանակված են 2014 թվականի օգոստոսի 10-ին: Դրանք պատմության մեջ կլինեն առաջին համաժողովրդական քվեարկությամբ Թուրքիայի նախագահի ընտրությունը, ավելի վաղ նախագահին այդ երկրում ընտրում էր խորհրդարանը: Եթե թեկնածուներից ոչ մեկն առաջին փուլում 51 տոկոսից ավելի ձայներ չհավաքի, երկրորդ փուլը կանցկացվի օգոստոսի 24-ին: Թուրքիայի նախագահի պաշտոնում ընտրվելու համար իշխող «Արդարություն և զարգացում» կուսակցությունն առաջադրել է վարչապետ Էրդողանի թեկնածությունը: Գլխավոր ընդդիմադիր Ժողովրդահանրապե տական կոսւակցություններն առաջադրել են Իսլամական համագործակցության կազմակերպության նախկին ղեկավար Էքմելեդդին Իհսանօղլուի թեկնածությունը, թուրքաբնակ քրդական համայնքը՝ Ժողովուրդների դեմոկրատական կուսակցության համանախագահ Սելահեթդին Դեմիրթաշի թեկնածությունը: