Միխայիլ Պրոխորովը հնարավոր է ընդգրկվի նոր կառավարության կազմում, եթե ցանկանա

Ռուսաստանի վարչապետ Վլադիմիր Պուտինը հնարավոր է համարում, որ Միխայիլ Պրոխորովը կաշխատի նոր կառավարության կազմում, հաղորդում է Интерфакс-ը։

«Միխայիլ Դմիտրիևիչը լուրջ անձնավորություն է, լավ ձեռնարկատեր և սկզբունքորեն կարող է ընդգրկվել նոր կառավարության կազմում, եթե ինքը ցանկանա», - ասել է Վլադիմիր Պուտինը։

Հիշեցնենք, որ մարտի 4–ին կայացած Ռուսաստանի նախագահական ընտրություններում 63.6% ստացած ձայների արդյունքում Վլադիմիր Պուտինը ընտրվել է Ռուսաստանի նախագահ։ Նշենք նաև, որ նախագահի պաշտոնի համար պայքարող, միլիարդատեր Միխայիլ Պրոխորովն օրեր առաջ հայտարարել է, որ չի համագործակցելու նորաստեղծ իշխանությունների հետ։