Խոշոր վթար է տեղի ունեցել Մոսկվայի մետրոպոլիտենում․ կան զոհեր (լուսանկարներ)

Մոսկվայի մետրոպոլիտենում ռելսերից դուրս է եկել մարդատար երեք վագոն. խոշոր վթարի հետևանքով, նախնական տվյալներով, զոհվել է 3, վիրավորվել մոտ 50 մարդ: Այս մասին հայտնում է ria.ru-ն։

Մոտ 20 մարդ շարունակում է արգելափակված մնալ գնացքի վագոններից մեկում: Տուժածների մեծ մասը քերծվածքներ ու թեթև վնասվածքներ են ստացել, սակայն կան նաև ծանր վիրավորներ, որոնք հասպատալացվել են:

Վթարից հետո կազմակերպվել է մարդկանց տարհանում:

Արտակարգ իրավիճակների նախարարության Մոսկվայի վարչությունում հայտնում են, որ կայարանների միջև ընկած ուղեմասում լարվածության կտրուկ անկումը հանգեցրել Է մետրոյում ազդանշանային համակարգի գործելուն, ինչը և Էլեկտրագնացքի կտրուկ արգելակման պատճառ Է դարձել։