Ընտրախախտումները, եթե նույնիսկ եղել են, ընտրությունների արդյունքների վրա աննշան են ազդել. Պուտին

Վլադիմիր Պուտինը չի բացառել, որ ՌԴ նախագահական ընտրությունների ժամանակ եղել են խախտումներ, սակայն վստահ է, որ դրանց ազդեցությունն ընտրությունների վերջնական արդյունքների վրա չնչին է եղել։

«Կան բաներ, որոնց դեմ հնարավոր չէ ինչ–որ բան ասել։ Ա՛յ որ մարդիկ եկել են և իրենց կամքն են արտահայտել նման մեծ մասշտաբներով, ինչ էլ որ այժմ ասեն... խախտումներ երևի թե հնարավոր է, որ եղել են, սակայն դրանք կարող են ազդել միայն հարյուրերորդական տոկոսի վրա, լավ, թեկուզ 1 տոկոսի։ Ես դա դեռ կարող եմ պատկերացնել, սակայն ոչ ավելին»,– ասել է Վլադիմիր Պուտինը՝ պատասխանելով լրագրողների հարցերին։

Նշենք, որ ՌԴ ԿԸՀ տվյալներով, կազմված բոլոր արձանագրությունների մշակման արդյունքում Վլադիմիր Պուտինը հավաքել է ձայների 63.60 տոկոս, ՌԴԿԿ առաջնորդ Գենադի Զյուգանովը՝ 17.18 տոկոս, միլիարդատեր Միխայիլ Պրոխորովը՝ 7.98 տոկոս, Վլադիմիր Ժիրինովսկին՝ 6.22 տոկոս, իսկ Սերգեյ Միրոնովը՝ 3.85 տոկոս։