Գաճաճ պետություն. Մոնակո

Մոնակոն փոքրիկ պետություն է Հարավային Եվրոպայում՝ Ֆրանսիայի հարավ արևելքում՝ Միջերկրական ծովի ափին, և վաղուց ի վեր ձեռք է բերել աշխարհի լավագույն առողջավայրերից մեկը լինելու համբավը:

Տարածքը` 2.02 (կմ2), մայրաքաղաքը' Մոնակո, բնակչությունը` 33,000, պետական լեզուն` ֆրանսերեն, դրամական միավորը` եվրո:

Մոնակոյում, հատկապես Մոնտե Կառլո քաղաքում, հաճախ են կազմակերպվում միջազգային մարզական մրցումներ՝ հեծանվային, ավտոմոբիլային, թենիսի: Այստեղ են գտնվում եվրոպական ամենահզոր ռադիոկայանը՝ «Մոնտե Կառլոն», Զբոսաշրջության միջազգային ակադեմիան:

Մոնակոյի գլխավոր տեսարժան վայրը Գիմալդի պալատն է, որն իրենից ներկայացնում է հարթ, քառակուսի ամրոց և աչքի է ընկնում իր շքեղ ինտերիերով: Այստեղ Դուք կտեսնեք Կապույտ սրահ ոսկեգույն փայտե կահույքով և վենեցիական ջահերով, ինչպես նաև հիանալի գահասենյակ: Անտարբեր չի կարելի մնալ նաև Նապոլեոնի թանգարանի նկատմամբ, որտեղ ներկայացված են Նապոլեոնի ժամանակաշրջանի մետաղադրամներ, փոստային նամականիշներ, պահակային համազգեստեր և այլ հետաքրքրաշարժ իրեր: Օվկիանոսագիտական թանգարանը (հիմնադրվել է 1899 թ-ին), որը երկար ժամանակ գլխավորել է աշխարհահռչակ ճանապարհորդ-գիտնական Ժակ Իվ Կուստոն: 

Իշխանությունը բաղկացած է միմյանց ձուլված Մոնակո, Մոնտե Կառլո և Կոնդամին օկրուգ-քաղաքներից: Գտնվում է Ֆրանսիայի հովանավորության ներքո: Ֆիլատելիայով զբաղվողներն անպայման տեսած կլինեն Մոնակոյի նամականիշերը, որոնք հայտնի են ամբողջ աշխարհում:

Մոնակոն հայտնի է նաև իր բազմաթիվ խաղատներով, որտեղ ժամանակ են անցկացնում և մեծ գումարներ ծախսում աշխարհի տարբեր երկրներից ժամանած մեծահարուստներն ու սուր զգացողությունների սիրահարները: Մոնակոյի եկամուտների հիմնական աղբյուրներն են առևտուրը, միջազգային զբոսաշրջությունը, նամականիշերի և հուշանվերների վաճառքից ստացված միջոցները: Զարգացած են արդյունաբերության էլեկտրոնային, քիմիական, ճշգրիտ մեքենաշինության, սննդի և այլ ճյուղեր:

Ի դեպ վերջին ուսումնասիրությունների համաձայն' Մոնակոյի թագավորությունը բնակչության կյանքի տևողությամբ շրջանցել է Ճապոնիային, որտեղ մարդիկ միջինն ապրում են 84 տարի, և Սան Մարինոյին, որտեղ ապրում են 83 տարի:

Մոնակոյում բնակչության կյանքի միջին տևողությունը կազմում է 90 տարի, որը լավագույն ցուցանիշն է աշխարհում: