Պաղեստինցի զոհերի թիվը Գազայի հատվածում մոտենում է 200-ի

Իսրայելական հարձակման հետևանքով Գազայի հատվածում պաղեստինցի զոհերի թիվը հասել է 192-ի, իսկ վիրավորներինը գերազանցել է 1400-ը: Ինչպես հաղորդում է «Արմենպրես»-ը, վկայակոչելով ԻՏԱՌ-ՏԱՍՍ գործակալությունը, Եգիպտոսի նախաձեռնությամբ, զինադադարի ուժի մեջ մտնելուց հետո, ըստ իսրայելական աղբյուրների, Գազայի հատվածից 22 հրթիռներ են արձակվել: ՀԱՄԱՍ-ն իր վրա է վերցրել Իսրայելի հյուսիսում գտնվող Հայֆա քաղաքի ռմբակոծության պատասխանատվությունը: Իսրայելի պատշպանական բանակը դադարեցերել է ՀԱՄԱՍ-ի դեմ ռազմական գործողությունները, սակայն պատրաստ է Գազայի հատվածից հարձակման դեպքում պատասխանել նման կերպ: Այս մասին հայտարարել է Իսրայելի պաշտոնական ներկայացուցիչ Պիտեր Լերները: Ավելի վաղ ՀԱՄԱՍ-ը մերժել էր կրակը դադարեցնեու վերաբերյալ Եգիպտոսի առաջարկը:

Արաբական լրատվամիջոցները տեղեկացնում են, որ Պաղեստինի Նախագահ Մահմուդ Աբբասը հուլիսի 16-ին կմեկնի Եգիպտոս՝ հանդիպելու Եգիպտոսի Նախագահ Աբդ ալ Ֆաթթահ աս Սիսիի հետ: Նրանք կքննարկեն իսրայելա-պաղեստինյան հակամարտության վերաբերյալ հարցեր:

Իր հերթին ԱՄՆ պետքարտուղար Ջոն Քերին հուլիսի 15-ին նախատեսել էր մեկնել Կահիրե և քննարկել իսրայելա-պաղեստինյան հակամարտության վերաբերյալ հարցեր, սակայն այցելությունը հետաձգվել է: Պատճառների վերաբերյալ տեղեկություններ չեն հաղորդվում:

Իսրայելը ՀԱՄԱՍ-ի դեմ ռազմական գործողությունն սկսել է հուլիսի 8-ին: Պաղեստինի կողմից Իսրայելի ուղղությամբ արձակվել է շուրջ հազար հրթիռ: Մյուս կողմից' Իսրայելը ռմբակոծել է պաղեստինյան 1500 նպատակակետեր: Իսրայելցի զոհերի մասին տեղեկություններ չկան, միայն հայտնի է, որ 15 մարդ վիրավորվել է: