Թուրք իսլամիստները անարգել են ԱՄՆ հյուպատոսության կազմակերպած իֆթարը
Աշխարհ
Թուրքիայի Ադանա քաղաքում գտնվող ԱՄՆ հյուպատոսությունը մահմեդական կրոնական Ռամազան ամսվա կապակցությամբ Դիարբեքիրի Դաղքափը հրապարակում քաղաքացիների համար իֆթարի (պահքի) ճաշ է կազմակերպել: Ինչպես հաղորդում է «Արմենպրես»-ը` վկայակոչելով թուրքական «Դողան» լրատվական գործակալությունը, մինչ ճաշկերութն սկսվելը մի խումբ արմատական իսլամիստ ակտիվիստներ «Ալլահու աքբար» գոչյուններով ներխուժել են հրա պարակ, այրել ԱՄՆ-ի դրոշը և վրանները հողին հավասարեցրել:
«Դողան»-ը հայտնում է, որ դա տեղի է ունեցել նույն ժամին Սպիտակ տանը մահեդականների տոնի առնչությամբ կազմակերպված իֆթարին ԱՄՆ նախագահ Բարաք Օբամայի ելույթի ժամանակ:
Մոտ 200 իսլամիստներից բաղկացած գրոհայինների խումբը «Անիծյալ լինի Ամերիկան», «Անիծյալ լինի Իսրայելը» գոռում-գոչյուններով ջարդել է սեղանները, աթոռները, վրանները, որոնք տրամադրել էր Դիարբեքիրի քաղաքապետարանը:
Դեպքի վայրից քիչ հեռու կանգնած ոստիկանական ուժերը չեն միջամտել անկարգություններին: Դիմադրության փորձ կատարած 5 շարքային քաղաքացիներ վիրավորվել և հոսպիտալացվել են:
Դիարբեքիրի քաղաքապետ Գյուլթան Քըշանաքը լրագրողներին հայտարարել է, որ տեղի ունեցածը սադրանք է: «Սա մեծ սադրանք է: Դիարբեքիրն էժան պրծավ: Սա շարքային բողոքի ակցիա չէ: Սա փողոցում հատիչներով մարդկանց կտրատելու ձեռնարկում է», -ասել է նա:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
