Կսենիա Սոբչակը գտել է իր երկրորդ կեսին ցույցերի ժամանակ

Ռուսական ԶԼՄ–ները մեծ ակտիվությամբ գրում են, որ հաղորդավարուհի Կսենիա Սոբչակն իր համար կատարյալ զուգընկեր է գտել։ Խոսքը «Սոլիդարնոստ» ժողովրդավարական շարժման ակտիվիստ Իլյա Յաշինի մասին է։ Այս զույգին հաճախակի են տեսել միասին։ Կարծես թե դրանով Սոբչակն ուզում է վերջ դնել օլիգարխների հետ իր կապերին։

Հայտնի վերլուծաբան Բոժենա Ռիսկան նշել է, որ «Սոբչակի համար Յաշինի հետ lovestory–ին քայլ է դեպի քաղաքական կյանքը, իսկ ընդհանուր առմամբ այս միությունը ուժեղ քայլ է հասարակության մեջ ինքնահաստատվելու ուղղությամբ։ Սա այն է, ինչը Վաշինգտոնում ընդունված է անվանել power couple, երբ և՛ ամուսինը, և՛ կինը պատկանում են հասարակության վերնախավին և ուժեղացնում են միմյանց դիրքերը»։ Ինքը՝ Սոբչակը, դեռևս չի մեկնաբանել այս լուրը։