Օբաման և Պուտինը խոստացել են մոռանալ տհաճությունները և զարգացնել հարաբերությունները
ԱՄՆ
ԱՄՆ նախագահ Բարաք Օբաման ուրբաթ զանգահարել է Վլադիմիր Պուտինին և շնորհավորել Ռուսաստանի նախագահ ընտրվելու առթիվ։ Այս մասին հաղորդել է Պուտինի միջազգային հարաբերությունների հարցերով օգնական Յուրի Ուշակովը։
Ըստ Ուշակովի, հեռախոսազրույցը ոչ պաշտոնական է եղել և տևել է մոտ 20 րոպե։ Ըստ Պուտինի օգնականի,
Բարաք Օբաման իր պատրաստակամությունն է հայտնել «սերտորեն համագործակցել Ռուսաստանի ընտրված նախագահի հետ», իսկ Վլադիմիր Պուտինն էլ իր հերթին շնորհակալություն է հայտնել շնորհավորանքների համար և կարևորել է Ռուսաստանի և Միացյալ նահանգների միջև աշխարհում անվտանգության ապահովման կոնտեքստում համագործակցության խորացմանը, հատկապես՝ «հաշվի առնելով ներկայիս տուրբուլենտային իրավիճակը»։
Օբաման և Պուտինը իրենց պատրաստակամությունն են հայտնել մոտակայում անցկացնել ռուս-ամերիկյան գագաթաժողով և մինչ երկուստեք հանդիպումը կանոնավոր կապ պահպանել միմյանց միջև, հաղորդում է BBC Russian–ը։
Բարաք Օբաման և Վլադիմիր Պուտինը նաև նշել են, որ անցկացված նախընտրական կամպանիայի ժամանակ երկու երկրներն էլ միմյանց ուղղված բազմաթիվ քննադատական հայտարարություններ են հնչեցրել, սակայն դա տեղի է ունեցել ընտրական քարոզարշավի թեժ պահին և չպետք է խոչընդոտել ռուս-ամերիկյան համագործակցության զարգացմանը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
