Ռուսական ընդդիմության ցույցի մասնակիցների մեծ մասը հեռացել է Նովի Արբատից

Ռուսական ընդդիմության կազմակերպած ցույցի մասնակիցների մեծ մասն արդեն հեռացել է Մոսկվայի Նովի Արբատ փողոցից, հայտնում է РИА Новости գործակալության թղթակիցը։

Ցույցի մասնակիցները հեռացել են հատուկ կազմակերպված անցումներով։ Այս պահին ոստիկանության աշխատակիցներն արդեն մաքրել են փողոցը արգելափակոցներից։ Այժմ Նովի Արբատ փողոցում մնացել է քաղաքացիների մի փոքր խումբ։

Կազմակերպիչների կանխատեսմամբ ցույցին պետք է մասնակցեր մոտ 50 հազար մարդ, սակայն, ՌԴ ՆԳՆ տվյալներով, ցույցին մասնակցել է 10 հազար մարդ։ Ցույցի ընթացքում ելույթ են ունեցել մի շարք քաղաքական գործիչներ, քաղաքացիական նախաձեռնությունների ղեկավարներ, լրագրողներ և բլոգերներ, որոնք մասնակցել են մարտի 4-ին կայացած ՌԴ նախագահական ընտրություններին՝ դիտորդի կարգավիճակով։ Նրանք ներկայացրել են այն խախտումներն ու ընտրակեղծիքները, որոնք արձանագրվել են ընտրատեղամասերում։