Թափանցիկ լիճ Ավստրիայում (լուսանկարներ)

Ավստրիայում կա մի հետաքրքիր լիճ՝ Grüner See (Կանաչ լիճ) անվանմամբ: Գարնանը ջրի մակարդակը բարձրանում է ձնհալի պատճառով: Դրա համար էլ ամեն տարի այս գեղատեսիլ վայրը ողողված է լինում 5-6 մետր բարձրությամբ ջրով: Երբեմն ջրի մակարդակը հասնում է 8 մետրի, սակայն տեսողականությունը թափանցիկ ջրում պահպանվում է մինչև 30 մետր խորության վրա: Հենց այդ ժամանակահատվածում պետք է այնտեղ գտնվել և սեփական աչքերով տեսնել բյուրեղյա մաքուր ջուրը և հեքիաթային գեղեցիկ ստորջրյա «պարկը»:

Կանաչ լիճը գտնվում է Hochschwab սարերին մոտ՝ Տրագոս գյուղից ոչ հեռու՝ Ավստրիայում: Այս լիճն աշխարհի ամենագեղեցիկ և անսովոր բնական երևույթներից մեկն է: