Ուդալցովն ազատ է արձակվել. դատական նիստը նշանակվել է մարտի 13-ին

Ռուսաստանի «Ձախ ճակատի» համակարգող Սերգեյ Ուդալցովը, որը ձերբակալվել էր այսօր՝ Մոսկվայում տեղի ունեցած ընդդիմության ցույցից հետո, հայտնել է, որ ազատ է արձակվել, սակայն իր նկատմամբ գործ է հարուցվել 19.3 հոդվածի (ոստիկանության աշխատակցի օրինական պահանջին չենթարկվելը) հատկանիշներով։

Ուդալցովը ձերբակալվել էր «Արբատսկայա» մետրոյի հարևանությամբ այն բանից հետո, երբ նա, իր մի խումբ կողմնակիցների հետ միասին, ցույցից հետո փորձել է մուտք գործել «Պուշկինսկայա» հրապարակ։

«Ինձ ազատ են արձակել ՆԳՆ «Արբատի» բաժնից և այժմ մենք փորձում ենք պարզել, թե ինչ է պատահել մյուս ձերբակալվածների հետ... »,– ասել է Ուդալցովը РИА Новости գործակալության լրագրողի հետ զրույցում։ Նշենք նաև, որ Ուդալցովի գործով դատական նիստը նշանակվել է մարտի 13-ին։