Ուկրաինայում հակամարտության ռազմական լուծում չի լինի. Մերկել
Աշխարհ
Գերմանիայի կանցլեր Անգելա Մերկելը համոզված է, որ Ուկրաինայում հակամարտությունը կարող է լուծվել սոսկ քաղաքական ճանապարհով, ըստ որում նա նշում է, որ հարկ չկա ճեղքում սպասելու Մինսկի հանդիպմանը, որտեղ ներկա կլինեն Ռուսաստանի նախագահ Վլադիմիր Պուտինը և Ուկրաինայի նախագահ Պյոտր Պորոշենկոն, սակայն առաջիկա բանակցությունները, նրա կարծիքով, անհրաժեշտ են, տեղեկացնում է «Արմենպրես»-ը:
«Ես հաստատապես համոզված եմ, որ այստեղ կա սոսկ քաղաքական լուծում, որը ցանկանում և որին կարող են նպաստել Եվրամիությունը և Գերմանիան: Այս հակամարտության ռազմական լուծում չի լինի, ուստի միանգամայն անհրաժեշտ են քաղաքական բանակցություններ»,- ասել է կանցլերն ADR հեռուստաալիքին տված հարցազրույցի ժամանակ: Նախօրյակին նա վերադարձել է Կիև կատարած ուղևորությունից:
«Հակամարտության լուծման հարցում միշտ գործում են երկու կողմեր, ուստի դա լավ է, որ օգոստոսի 26-ին Ռուսաստանի նախագահ Պուտինը հանդիպում է Ուկրաինայի նախագահ Պորոշենկոյի հետ: Իմ ուղևորությունը Կիև ծառայել է նաև այդ հանդիպման նախապատրաստմանը: Անշուշտ, Մինսկում ճեղքում սպասելու հարկ չկա, բայց եթե ցանկանում ես լուծում գտնել, ապա անհրաժեշտ է խոսել միմյանց հետ»,- ասել է Մերկելը, հաղորդել է ՌԻԱ «Նովոստին»:
ՈՒՂԻՂ ԵԹԵՐ
Ամենադիտված 
«Խոպան գնալուց առաջ գնացել էին աներոջ տուն՝ հաջող անելու». մանրամասներ վթարից մահացած ընտանիքի մասին
