Կալիֆոռնիայում երկրաշարժի հետևանքով տուժածների թիվն աճել է մինչև 172

Կալիֆոռնիայի հյուսիսում օգոստոսի 24-ին տեղի ունեցած՝ 6 մագնիտուդով երկրաշարժի հետևանքով տուժածների թիվն աճել է մինչև 172: Այս մասին հաղորդել է Նապա քաղաքի հիվանդանոցի ներկայացուցիչը, քաղաք, որի մերձակայքում էլ գտնվում է ստորգետնյա ցնցումների էպիկենտրոնը, տեղեկացնում է «Արմենպրես»-ը:

Գործնականում բոլոր տուժածներն օգնություն ցույց տալուց հետո դուրս են գրվել: Մի քանի վիրավորներ ստացել են կոտրվածքներ, գրանցվել են շնչառության և սրտի հետ կաված խնդիրներ: Մնացածները, բժիշկների տվյալներով՝ ստացել են հիմնականում տարբեր վերքեր և վնասվածքներ: Ճշգրտված տվյալներով՝ օրհասական վիճակում է մեկ մարդ, բուժհիմնարկում մնացածներից ևս 12-ի կյանքին վտանգ չի սպառնում:

Հաղորդվել է 115 շենքերի զգալի վնասվածքների մասին, որոնք այլևս պիտանի չեն բնակության համար: Այս պահին Նապայի 7,3 հազար բնակիչներ մնում են առանց էլեկտրականության, Սան Ֆրանցիկոյի ծոցի մարզ ագլոմերիացիայի 30 հազար բնակիչների տներին էլեկտրականություն մատակարարվում է ընդհատումներով: Նահանգում գործում է արտակարգ իրադրության ռեժիմ:

Օգոստոսի 24-ին տեղական ժամանակով 03:20-ին (Երևանի ժամանակով 14:20-ին) գրանցված ցնցումների էպիկենտրոնը գտնվել է Նապայից 9 կիլոմետր դեպի հարավ-արևմուտք: Երկրաշարժի օջախն ընկած է եղել 10,8 կիլոմետր խորությունում: Սեյսմոլոգների տվյալներով՝ այն ուղեկցվել է 3,6 մագնիտուդով 30 կրկնական ցնցումներով:

Դիտորդները նշում են, որ այն տվյալ շրջանում ամենահուժկու երկրարաշարժն է վերջին 25 տարում: 1989 թվականին տարածաշրջանում գրանցվել են 6,9 մագնիտուդով ստորգենյա ցնցումներ, հաղորդել է ԻՏԱՌ-ՏԱՍՍը: