Ալեքսանդր Պորոխովշիկովի կինն ինքնասպան է եղել

Քչերը կարող էին պատկերացնել, որ Պորոխովշիկովների ընտանիքում տեղի ունեցած վերջին իրադարձությունները կհանգեցնեն ողբերգության։
Իրինա և Ալեքսանդր Պորոխովշիկովները միասին ապրել են 30 տարի։ Մարտի 10-ին՝ ժամը 01.00-ի սահմաններում, Իրինա Պորոխովշիկովին գտել են կախված վիճակում՝ Ստառոկոնյուշեննի փողոցում գտնվող իրենց առանձնատանը։ Դեպքի վայրում գտել են նաև ինքնասպան եղած կնոջ թողած գրությունը, որում նա խնդրել է իր մահվան մեջ չմեղադրել ոչ ոքի։ Կնոջ դին հայտնաբերել էր տեղի ոստիկանության հերթապահ խումբը, որը դեպքի վայր էր ժամանել Իրինայի ընկերուհու՝ Օլգա Սիմոնովայի կանչով։ Սիմոնովայի խոսքերով՝ Իրինան իրեն է զանգահարել կեսգիշերին մոտ և հայտնել, որ ցանկանում է ինքնասպան լինել, ինչից անմիջապես հետո ինքը զանգահարել է ոստիկանություն։

Մի քանի ամիս է Պորոխովշիկովների ընտանիքը հայտնվել էր մամուլի ուշադրության կենտրոնում. դժբախտությունները հաջորդում էին իրար։ Այս տարվա հունվարի 23-ին Իրինան հայտնել էր, որ ամուսինն անհետացել է, սակայն արդեն հաջորդ օրը ռուս մեծանուն դերասանը «հայտնաբերվել էր» իրենց ամառանոցում, ուր մեկնել էր ուղղակի «հանգստանալու»։ Այնուհետև Ալեքսանդրը հայտնվեց հիվանդանոցում՝ ոտքի փտախտի ախտորոշմամբ, իսկ արդեն վերջերս՝ մարտի 6-ին, ինսուլտի ախտորոշմամբ տեղափոխվեց Սեչենովի անվան բժշկական կենտրոն։