Անլուրջ վերաբերմո՞ւնք, թե՞ հաղթելու լուրջ հայտ

Այս տարի Ռուսաստանը որոշել է առանձնանալ ինքնատիպությամբ։ «Եվրատեսիլ-2012» միջազգային մրցույթին Ռուսաստանը ներկայացնող «Բուրանովսկիե բաբուշկի» երգչախումբը ստեղծվել է ավելի քան 40 տարի առաջ։ Բացի այն, որ տատիկները հանդես են եկել կիսառուսերեն, կիսաուդմուրտերեն երգերով, երգչախումբը Մայրենի լեզվի օրվան նվիրված համերգի ժամանակ երգել է Բորիս Գրեբենշիկովի և Վիկտոր Ցոյի երգերը՝ ուդմուրտերենով՝ դառնալով հասարակության սիրելին։ Նրանց «Party for Everybody» երգը հաղթող ճանաչվեց «Եվրատեսիլ-2012»-ի նախընտրական փուլում։

Վերջին օրերին ծավալված բուռն քննարկումների հիմնական թեման տատիկների մասնակցության հետ կապված այն է, թե արդյո՞ք Ռուսաստանն էլ անցավ այն եվրոպական երկրների շարքը, որոնք անլուրջ են վերաբերում Եվրատեսիլին, թե՞ իրոք որ այս քայլով պատասխանատուները մտադիր են հաջողության հասնել։