Կաբարդինո–Բալկարիայում սպանված գրոհայինների մեջ է եղել նաև ավազակախմբի պարագլուխը

ՌԴ Ազգային հակաահաբեկչական հանձնաժողովը հայտնել է, որ պարզվել է Կաբարդինո–Բալկարիայում անցկացված հատուկ գործողությունների արդյունքում սպանված գրոհայինների ինքնությունը։ Դրանցից մեկը եղել է այսպես կոչված Հարավ–արևմտյան հատվածի պարագլուխ Արսլան Գեգրաևը։

Չեգեմյան շրջանում անցկացված հատուկ գործողությունների վերջնական փուլից առաջ իրավապահ մարմինների աշխատակիցները տարհանել էին շրջակա տների բնակիչներին, ինչից հետո գրոհայիններին առաջարկվել էր վայր դնել զենքերը և հանձնվել։

«Սակայն, դրան ի պատասխան, գրոհայինները զինված դիմադրություն են ցույց տվել, ինչին հետևել են հատուկ ջոկատայինների գործողությունները, որոնց արդյունքում սպանվել է 5 գրոհային»,– ասված է ՌԴ Ազգային հակաահաբեկչական հանձնաժողովի տարածած հաղորդագրության մեջ, հայտնում է «Ռիա նովոստի»–ն։