Պուգաչովայի ազգականը նրանից 1.5 մլն ռուբլի է գողացել

Վերջերս ռուսական ԶԼՄ–ներն անդրադարձել էին Ալլա Պուգաչովայի սիրելի ազգականներից մեկի հետ պատահած դժբախտությանը. Վլադ անունով երիտասարդը նյարդային հիվանդության պատճառով անշարժացել է։ Ալլա Բորիսովնան ոչ միայն խոստացել է ապահովել նրա բուժումը բարձրակարգ հիվանդանոցում, այլև նրա հաշվին է փոխանցել1.5 մլն ռուբլի։

Սակայն երիտասարդն այդպես էլ չի կարողացել օգտագործել այդ գումարն ըստ պահանջի, քանի որ այն յուրացրել է Ալլա Բորիսովնայի մյուս ազգական, Վլադի եղբայր Արտյոմը։ Նա խոստացել է հիվանդ եղբորը, որ կխնամի նրան, սակայն փոխարենը յուրացրել է գումարը՝ այն ծախսելով իր համար ավտոմեքենա գնելու և ընկերների հետ զվարճանալու համար։ Անշարժ վիճակում գտնվող Վլադը փորձել է կապ հաստատել երգչուհու հետ և բացատրել իրավիճակը, սակայն դա նրան դեռևս չի հաջողվել, հայտնում է starsboom.ru կայքը։