Սվետլանա Մեդվեդևան հանգստանում է Իտալիայում՝ դուրս չգալով հյուրանոցից

Հայտնի է, որ Ռուսաստանի առաջին տիկին, ՌԴ նախագահի կինը՝ Սվետլանա Մեդվեդևան, հանգստանում է Իտալիայիում՝ Մոնտեկատինի Թերմի Grand Hotel La Pace հյուրանոցում։ Ռուսական ԶԼՄ–ների հաղորդմամբ՝ Մեդվեդևի կինը վարձակալել է հյուրանոցն ամբողջությամբ մինչև մարտի 21-ը։ Սակայն հյուրանոցի սեփականատեր Ստեֆանո Պուչչին հայտարարել է, որ ՌԴ առաջին տիկինը վարձակալել է ընդամենը 4 հյուրանոցային սենյակ։

Ռուս բլոգերներից մեկը որոշել է սեփական «հետաքննությունն» անցկացնել և կարողացել է ներթափանցել տվյալ հյուրանոց, որտեղ և ընդունարանի աշխատակցուհին բացատրել է, որ 4-րդ հարկում գտնվող «լյուքս» համարները զբաղեցրել են ռուսները։ Շրջելով մյուս հարկերում բլոգերը պարզել է, որ հյուրանոցում ուրիշ հանգստացող չկա։ Հատկանշական է նաև այն փաստը, որ Սվետլանա Մեդվեդևան Իտալիայում բավականին «աննկատ կերպով» է հանգստանում՝ ուղղակիորեն դուրս չգալով հյուրանոցի տարածքից։