ԽՍՀՄ ժողովրդական արտիստի սիրելի որդին հրաժարվել է կատարել մոր թաղման ծախսերը

ԽՍՀՄ ժողովրդական արտիստ, մեծանուն դերասանուհի Լյուդմիլա Կասատկինային, որն ամբողջ կյանքը նվիրել է ռուսական բանակի թատրոնին, հողին են հանձնել զինվորական արարողակարգով։

Սակայն, շատերին է զայրացրել այն փաստը, որ Կասատկինայի որդին՝ Ալեքսեյը, հանձնարարել էր ոչ ոքի չթողնել այն եկեղեցին, որտեղից սկսվում էր հուղարկավորության արարողությունը։ «Սա չլսված բան է,– հայտարարել է հայտնի արվեստագետ Լիյա Շկիրմատովան, ապա ավելացրել,– նմանատիպ արարողություններին թույլ են տալիս մասնակցել նույնիսկ անծանոթներին»։

Վրդովված արվեստագետը հայտնել է նաև, որ Կասատկինայի որդին հերիք չի ոչ մի դրամ չի ծախսել մոր թաղման համար, այժմ էլ թույլ չի տալիս իր ծնողի ընկերներին և մտերիմներին հավուր պատշաճի հրաժեշտ տալ նրան։ «Ի՞նչ եք կարծում, ինչո՞ւ և՛ Լյուդմիլա Կասատկինան, և՛ նրա ամուսինն իրենց մահկանացուն կնքեցին հիվանդանոցում, այլ ոչ թե տանը։ Չէ՞ որ նրանց հիվանդանոցում խնամում էին անվճար, իսկ նրանց կենսաթոշակները ստանում էր իրենց սիրելի որդին»,– պատմել է Շկիրմատովան։