Կրասնոդարի դատարանը 10–օրյա կալանք է նշանակել բնապահպան Սուրեն Ղազարյանի նկատմամբ

Ռուսաստանի Կրասնոդարի մարզի դատարանը 10–օրյա կալանքի վճիռ է կայացրել բնապահպան–ակտիվիստ Սուրեն Ղազարյանի նկատմամբ, որը երեկ ձերբակալվել է շինհրապարակներից մեկում՝ ոստիկանների օրինական պահանջներին չենթարկվելու համար։ Ըստ Ղազարյանի՝ այդ տարածքում կառուցվում է Կրասնոդարի մարզի նահանգապետ Ալեքսանդր Տկաչովի առանձնատունը, հաղորդում է Газета.Ru–ն՝ հղում անելով  Հյուսիսային Կովկասի բնապահպանական դիտարկումների կայքում տեղադրված հաղորդագրությանը։ Հաղորդվում է նաև, որ Ղազարյանը համարվում է այդ կազմակերպության ակտիվիստ։