Հրաչ Բերբերյանը բողոքում է գյուղնախարարությունից

«Հայաստանի ագրարագյուղացիական միավորում» ՀԿ նախագահ Հրաչ Բերբերյանn այսoր լրագրողների հետ հանդիպման ժամանակ գյուղնախարարության հետ կապված առանձնացրեց մի խնդիր: «Այսօր մենք ունենք մի ուրիշ խնդիր գյուղնախարարության հետ: Ըստ ԱԺ-ում հաստատված օրենսդրության մենք ունենք ընկերություններ, որոնք անում են սերմնասերտափորձարկումներ, այսինքն օրենսդրությունը պահանջում է երեք տարի, որի ընթացքում ընկերությունները գումար են ծախսում սորտափորձարկում են անում, այնուհետև բերում են գյուղնախարարություն գրանցման: Արդյո՞ք այսօր գյուղացու կողքն է կանգնած գյուղնախարարությունը. իհարկե ոչ: Այդ ցուցակները պետք է հրապարակվեին դեռ հունվարին, այսինքն այն մարդիկ որոնք սորտափորձարկում են արել և պայմանագրեր ունեն նոր տնկանյութեր ներկրելու՝ այսօր փաստի առաջ են կանգնած: 7 գյուղացիական տնտեսություններ սորտերի գրանցման համար վճարել են 80 հազար դրամ, դրանից առաջ երեք տարի սերմա-սորտափորձաշրջան են անցկացրել, գումարներ են ծախսել, սակայն այսօր սորտերի ցանկը հաստատված չէ:

Բերբերյանի խոսքերով ԱԺ օրենսդրության սերմա-սորտափորձարկումներից հետո արդյունքները բերվում է գյուղնախարարություն գրանցելու, որն էլ դեռ չի գրանցել: «Ֆերմերների գործընկերները Եվրոպայում են կամ Ռուսաստանում են՝ սպասում են, որ սերմնացուն պետք է ուղարկեն, իսկ Հայաստանում գյուղնախարարը քմահաճույքով չի անում դա: Արդյո՞ք մենք այսօր գյուղացուն դրամով օգնում ենք, իհարկե ոչ: Մենք նամակ ենք պատրաստել վարչապետին, որ այդ մարդիկ գումար են ծախսել: Դիմել ենք, որպեսզի  գոնե այդ մարդկանց գումարը գյուղնախարարությունը վերադարձնի, իսկ սա դրամաշորթություն է արդեն»: