Pussy Riot–ի ևս մեկ մասնակից է ձերբակալվել Մոսկվայում

Այսօր՝ մարտի 15-ին, Մոսկվայում ձերբակալվել է Pussy Riot պանկ–խմբի ևս մեկ մասնակից, որը ճանաչում է ձեռք բերել Հիսուս Փրկչի տաճարում «պանկ–աղոթքի» միջոցով, հայտնել է փաստաբան Նիկոլայ Պոլոզովը։

«Pussy Riot–ի ևս մեկ մասնակից է ձերբակալվել Մոսկվայում, որի անունը Իրինա է»,– գրել է Պոլոզովը Twitter–ի իր էջում։

Նրա դեմ հարուցվել է քրեական գործ ՌԴ Քրեական օրենսգրքի 213-րդ հոդվածի (խուլիգանություն) հատկանիշներով, որի համար նախատեսված առավելագույն պատիժը 7 տարվա ազատազրկումն է։

Հիշեցնենք, որ փետրվարի 21-ին Pussy Riot պանկ–խմբի մի քանի մասնակից–աղջիկներ, իրենց դեմքը թաքցնելով գույնզգույն  դիմակների տակ, բարձրացել էին Հիսուս Փրկչի տաճարի խորան և կատարել անպատշաճ բովանդակությամբ մի երգ, ինչը ներկաների կողմից ընկալվել էր իբրև սրբապղծություն։