Քրգործ է հարուցվել ՌԴ ոստիկանության «Դալնիի» բաժանմունքի աշխատակիցներից ևս մեկի դեմ

Թաթարստանի քննչական մարմինը քրգործ է հարուցել ՌԴ ոստիկանության «Դալնիի» բաժանմունքի աշխատակիցներից ևս մեկի դեմ։ Քննության արդյունքում պարզ է դարձել, որ այդ ոստիկանը ՌԴ ոստիկանության վերոհիշյալ բաժանմունքում դաժան կտտանքների է ենթարկել ձերբակալվածներից մեկին՝ Կազանի 22-ամյա մի բնակչի։

Սկզբում երիտասարդին կանչել են համակարգիչները զննելու պատրվակով, այնուհետև հայտնել, որ նա մեղադրվում է խոշոր չափերի գումարներ գողանալու մեջ, ինչից հետո դաժան ծեծի են ենթարկել, որի արդյունքում նա ընդունել է իր «մեղքը»։ Նրա մեղսունակության բացակայությունը վկայող փաստերի հիման վրա երիտասարդն արդարացվել է, սակայն արդեն բավականին ուշ է եղել. ձերբակալվածը մահացել է ստացած վնասվածքներից։

Հիշեցնենք, որ մարտի 9-ին ձերբակալվել էին նույն բաժանմունքի 5 աշխատակիցներ, որոնք մեղադրվում են ձերբակալվածներին անմարդկային վերաբերմունքի, դաժան ծեծի և կտտանքների ենթարկելու մեջ։