ԵՄ և ՌԴ միջև 2014 թ. Օլիմպիական խաղերի ժամանակ հնարավոր է ժամանակավորապես հանվի արտոնագրային ռեժիմը

2014թ. Սոչիում կայանալիք Օլիմպիական խաղերը կարող են հարմար առիթ հանդիսանալ Եվրամիության և Ռուսաստանի միջև գործող արտոնագրային ռեժիմի կասեցման համար, սակայն, եթե դա հնարավոր չլինի իրականացնել, դա կարելի է կյանքի կոչել ժամանակավորապես՝ մրցելույթների անցկացման ընթացքում, լրագրողների հետ հանդիպմանը հայտարարել է Եվրապառլամենտի՝ ՌԴ հարցերով զեկուցող Հաննես Սվոբոդան։  

Սվոբոդայի խոսքերով՝ ԵՄ և Ռուսաստանի միջև հաղորդակցության հեշտացմանն ուղղված որոշումները կընդունվեն մինչև 2012-ի կամ 2013-ի վերջ, եթե իհարկե երկու կողմերն էլ դա են ցանկանում։

Ներկայումս առանց արտոնագրի 90 օրվա ընթացքում Շենգենյան գոտի մուտք գործելու իրավունք ունեն դիվանագիտական անձնագրեր ունեցողները։