Պուտինը կհանդիպի Օբամային, եթե մասնակցի G8-ի գագաթնաժողովին. Պեսկով
ԱՄՆ
Ռուսաստանի նորընտիր նախագահ Վլադիմիր Պուտինը մայիսին ԱՄՆ–ում անցկացվելիք G8-ի գագաթնաժողովին մասնակցելու դեպքում ամենայն հավանականությամբ հանդիպում կունենա ԱՄՆ նախագահ Բարաք Օբամայի հետ։ Այս մասին հայտարարել է վարչապետ Վլադիմիր Պուտինի մամուլի քարտուղար Դմիտրի Պեսկովը։
«Շատ առումներով կարելի է ենթադրել, որ, իհարկե, ԱՄՆ–ում անցկացվելիք G8 գագաթնաժողովին Պուտինի մասնակցությունը գործնականում չի ենթադրում Օբամայի հետ հանդիպում։ Սակայն, եթե Պուտինը մասնակցի մեծ ութնյակի գագաթնաժողովին, մենք ակնկալում ենք, որ այդ հանդիպումը տեղի կունենա։ Բայց կրկնում եմ, որ մենք այդ ուղղությամբ որևէ քայլ չենք ձեռնարկում», – հաղորդում է Росбалт–ը՝ մեջբերելով Պեսկովի խոսքերը։
Հիշեցնենք, որ նախօրեին ՌԴ ԱԳ նախարար Սերգեյ Լավրովը հայտարարել էր, որ Օբամայի և Պուտինի միջև տեղի ունեցած հեռախոսազրույցի ժամանակ, որոշվել է Ռուսաստանի նորընտիր նախագահի երդմնակալությունից հետո հանդիպել միմյանց հետ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
