Գորբաչովը վերականգնում է նախկինում ղեկավարած իր կուսակցությունը

ԽՍՀՄ առաջին նախագահ Միխայիլ Գորբաչովը հանդես է եկել նախկինում իր ղեկավարած Ռուսաստանի միացյալ սոցիալ-դեմոկրատական կուսակցությունը վերականգնելու նախաձեռնությամբ, հաղորդում է Интерфакс–ը։

«Ես պատրաստ եմ լրջորեն զբաղվել սոցիալ-դեմոկրատական ծրագրերի զարգացմամբ և խնդրում եմ նրանց, ովքեր սոցիալ-դեմոկրատական հայացքներ ունեն՝ իրենց առաջարկություններն ուղարկեն իմ հիմնադրամ, որպեսզի սկսենք լրջորեն զբաղվել կազմակերպչական աշխատանքներով», – ասել է Գորբաչովը։

Նա նշել է, որ ինքը չի պատրաստվում ղեկավարել կուսակցությանը, սակայն կարող է ակտիվորեն նպաստել դրա ստեղծմանը և հետագա գործունեությանը։ 

Գորբաչովի հայտարարությանն արձագանքել է գործարար Ալեքսանդր Լեբեդևը՝ նշելով, որ «ինքն ու իր գործընկերները պատրաստ են աջակցել Միխայիլ Սերգեյիչի նախաձեռնությանը, եթե նա իհարկե ցանկանա»։