Պորոխովշիկովի կինն ինքնասպան է եղել տան աշխատակցի պատճառով. վարկած

Պորոխովշիկովների տան աշխատակցուհի Եկատերինա Կուզնեցովայի վարկածով օրեր առաջ ինքնասպանություն գործած Իրինա Պորոխովշիկովայի արարքի դրդապատճառը եղել է ամուսնու գրած նամակը, որի պատճառով սկանդալ էր առաջացել։ Նամակում Ալեքսանդր Պորոխովշիկովը նշել էր փոխնակ մայր գտնելու իր ցանկության մասին, քանի որ իրենք երկար ժամանակ չեն կարողացել երեխա ունենալ։ Բանն այն է, որ հայտնի դերասանը վախեցել է կնոջ անկանխատեսելի արձագանքից և որոշել է նամակի միջոցով կնոջը հայտնել իր ցանկությունը։

Ինչպես և կարծել է կինոդերասանը, կինը բուռն կերպով է արձագանքել այս առաջարկին և նեղացել է ամուսնուց, քանի որ նա համարում էր, որ ինքը դեռ կարող է ծննդաբերել։ Տան մյուս աշխատակցուհու՝ Մարինա Կաբլովայի խոսքերով Ալեքսանդրը նման առաջարկով դիմել է հենց Եկատերինա Կուզնեցովային։