Վոլգա գետն ընկած ուղղաթիռը դուրս բերելու առաջին փորձն անհաջող էր

Այսօր՝ մարտի 23-ին, Նիժնի Նովգորոդի փրկարարները՝ թրթուրավոր տրակտորի և ճոպանների միջոցով, փորձել են դուրս բերել Վոլգայում հայտնված ուղղաթիռը, սակայն ճոպանը, չդիմանալով ծանրությանը, պոկվել է, հայտնում է РИА Новости-ի թղթակիցը։

Ուղղաթիռը ջրի երեսին է մնացել փչվող բարձիկների շնորհիվ։ Այս պահին փրկարարները նոր ճոպան են բերել և պատրաստվում են կրկին անգամ փորձ կատարել՝ այն դուրս բերելու համար։

Հիշեցնենք, որ երեկ՝ մարտի 22-ին, Bell 407 ուղղաթիռը, փորձելով վայրէջք կատարել Նիժնի Նովգորոդ քաղաքում, վթարի է ենթարկվել՝ կիսվելով երկու մասի և ընկնելով Վոլգա գետը։ Վթարի հետևանքով օդաչուն մահացել է։ Փրկարարներն ուղղաթիռը փորձելու են դուրս բերել սառույցի վրա, իսկ այնուհետև ծանր տեխնիկայի միջոցով հանել ափ։