Ռոմնիի ելույթից Հոլիվուդի և Սառը պատերազմի հոտ է գալիս. Մեդվեդև

«Միթ Ռոմնիի՝ «Ռուսաստանը համար մեկ թշնամին է» արտահայտությունից հոլիվուդյան հոտ է գալիս և ԱՄՆ նախագահության թեկնածուները պետք է ներգրավված լինեն հետախուզական գործողություններում, որպեսզի կարողանան նման արտահայտություններ անեն», – ասել է Ռուսաստանի նախագահ Դմիտրի Մեդվեդևը՝ Սեուլում միջուկային անվտանգության գագաթնաժողովից հետո՝ մամլո ասուլիսի ընթացքում։

Մասաչուսեթսի նախկին նահանգապետ Միթ Ռոմնին, նախօրեին CNN–ին տված հարցազրույցում մեկնաբանելով Սեուլում միջուկային անվտանգության միջազգային գագաթնաժողովի շրջանակներում Դմիտրի Մեդվեդևի և Բարաք Օբամայի հանդիպումը, ասել էր, որ ԱՄՆ–ի «համար մեկ թշնամին» Ռուսաստանն է, այլ ոչ թե Իրանն ու Չինաստանը։

«Այս առումով, ինչ վերաբերում է գաղափարական կլիշաներին, ես միշտ խուսափել եմ, երբ կողմերը դա կառուցում են «համար մեկ թշնամու» սկզբունքով։ Այդ ամենից հոլիվուդյան և հին ժամանակների հոտ է գալիս։ Այնպես, որ ես ԱՄՆ–ի նախագահի բոլոր թեկնածուի հավակնորդներին, այդ թվում Միթ Ռոմնիին երկու բան խորհուրդ կտայի։ Առաջին հերթին նման եզրակացություն անելու համար անհրաժեշտ է սեփական հետախուզական լուրջ փաստարկներ ներկայացնել, և երկրորդ՝ խորհուրդ եմ տալիս ժամանակին նայել. այժմ 2012 թվականն է, այլ ոչ թե 70-ականները։ Անկախ նրանից, թե որ կուսակցության թեկնածուն կամ ներկայացուցիչն է, պետք է հաշվի առնի քաղաքական իրողությունները», - ասել է Մեդվեդևը։