«Գրեյթ Վելլի» ընկերության կոնյակները վերստին գրավեցին Գրան-պրին

Մոսկվա. «Գրեյթ Վելլի» ընկերության հայկական կոնյակները հաղթականորեն հանդես եկան հեղինակավոր համտեսի մրցույթում'միջազգային խոշորագույն PRODEXPO-2012 Մոսկվայի ցուցահանդեսում: Այդ մասին ասված է ընկերության տարածած հաղորդագրությունում։

PRODEXPO-2012-ի շրջանակներում ավանդաբար անցկացվում է համտեսի ամենահեղինակավոր մրցույթը, որին մասնակցում են 200-ից ավելի ալկոհոլային ըմպելիքների առաջատար արտադրողներ տարբեր երկրներից: Դրանց որակը գնահատում է փորձագիտական հանձաժողովը' կազմված համաշխարհային մրցույթներում ոլորտի փորձառու մասնագետներից: Գնահատականը տրվում է «կույր համտեսի» մեթոդով, այսինքն' մրցատյանը չգիտե արտադրողներին և ըմպելիքների անվանումները:

PRODEXPO-ի հաղթանակողներն այս տարի դարձան «Գրեյթ Վելլի»-ի հայկական կոնյակները, որոնք նվաճեցին մրցույթի բարձրագույն պարգևը' Գրան-պրին: «Գրեյթ Վելլի»-ի տեսակավոր և սովորական կոնյակները պարգևատրվեցին PRODEXPO-ի Աստղով և 2 ոսկյա մեդալներով:

«Գրեյթ Վելլի»-ի ևս մեկ աղմկոտ հաղթանակներից է Մեծ Բրիտանիայում կայացած International Spirits Challenge մրցույթի պարգևը, որտեղ հայկական առաջատար ընկերությանը ներկայացնում էր նրա գլխավոր դիստրիբյուտորը' Whitehall ընկերությունը: Այստեղ էլ 30-ամյա «Ցար Տիգրան» կոնյակը նվաճեց ոսկյա մեդալ «Կոնյակներ, բրենդի և արմանյակներ» կարգում' առաջ անցնելով այնպիսի հանրահայտ բրենդներից, ինչպիսիք են Baron Otard-ը, Camus Louis Royer-ը և Delamain-ը: Այս կարգում մրցում էին 127 տեսակներ: «Ցար Տիգրան» կոնյակի հետ մեկտեղ ոսկյա մեդալների արժանացան լոկ 5 բրենդներ: