Տեղաբաշխումից ստացված հասույթը կազմել է ավելի քան 1.3 մլրդ դրամ

Ապրիլի 2-ին տեղի է ունեցել 52 շաբաթ մարման ժամկետով պետական (գանձապետական) կարճաժամկետ AMGT52014139 թողարկման պարտատոմսերի տեղաբաշխման աճուրդ:

Տեղաբաշխման ենթակա պարտատոմսերի ծավալը 1 մլրդ 500 մլն դրամ է, իսկ պահանջարկը՝ 2 մլրդ 916 մլն դրամ, որից մրցակցային՝ 2 մլրդ 856 մլն դրամ, իսկ ոչ մրցակցայինը՝ 60 մլն դրամ: Պարտատոմսերի տեղաբաշխման ծավալը կազմել է 1 մլրդ 500 մլն դրամ: Տեղաբաշխումից ստացված հասույթը կազմել է 1 371 354 392 դրամ: Տեղաբաշխման միջին կշռված եկամտաբերությունը 9.2778 տոկոս է, տեղաբաշխման սահմանային եկամտաբերությունը՝ 9.4000 տոկոս: Աճուրդին մասնակցել է 5 դիլեր: