Մոսկվայում անցկացվում է «Հանուն արդար ընտրությունների» ընդդիմության բողոքի ցույցը

Մոսկվայի կենտրոնում՝ Նովոպուշկինսկի հրապարակում, մոտ հարյուր մարդ է մասնակցում ընդդիմության կազմակերպած «Հանուն արդար ընտրությունների» բողոքի ցույցին, հաղորդում է Interfax–ը։

Ցույցի մասնակիցները հրապարակ են ժամանել «Հանուն արդար ընտրությունների», «Պուտինին փոխում եմ Խոդորկովսկու հետ» ցուցանակներով և ցուցապաստառներով։ 

Ընդդիմության «Ձախ ճակատի» առաջնորդ Սերգեյ Ուդալցովը վատառողջ լինելու պատճառով հանրահավաքին չի մասնակցում։ Հանրահավաքի ընթացքում նախատեսվում է քննարկել ընդդիմության հետագա ծրագրերի վերաբերյալ մանրամասներ, այդ թվում՝ մայիսի 6–ին անցկացվելիք «Միլիոնանոց երթ»–ի անցկացման հարցերը։