Խամես Ռոդրիգեսը տուգանվել է 10 400 եվրոյով՝ 200կմ/ժ արագությամբ մեքենան վարելու համար (տեսանյութ)

Մադրիդի «Ռեալի» կիսապաշտպան Խամես Ռոդրիգեսը տուգանվել է 10 400 եվրոյով՝ պետավտոտեսուչների պահանջը չկատարելու համար:

Ինչպես տեղեկացնում է ABC-ն, ֆուտբոլիստը տուգանվել է հունվարի մեկին տեղի ունեցած դեպքի համար, երբ Խամեսն իր մեքենայով թիմի մարզումներին գնալիս գերազանցել է 200կմ/ժ արագությունը: Պետավտոտեսուչները Խամեսից պահանջել են կանգնեցնել մեքենան, սակայն ֆուտբոլիստը չի կատարել պահանջը:

Ավելի ուշ Խամեսը նշել է, որ արագությունը գերազացել է՝ մարզումներից ուշանալու պատճառով: