Գարի Քյոսայանի «Ավե Մարիա»-ն կհնչի Հռոմի Պապի հայաստանյան այցի առթիվ կազմակերպված համերգին
Գիտություն և Մշակույթ
Կոմպոզիտոր, ջազային դաշնակահար և երգեհոնահար Գարի Քյոսայանի «Ավե Մարիա» ստեղծագործությունն առաջին անգամ կհնչի Հռոմի Պապ Նորին Սրբություն Ֆրանցիսկոսի հայաստանյան այցի առթիվ կազմակերպված համերգի ընթացքում: Հանրապետության հրապարակում հունիսի 25-ին նախատեսված երեկոյին 2013-ին գրված և երբևէ չկատարված գործը կներկայացնի Հայաստանի ազգային ֆիլհարմոնիկ նվագախումբը' գեղարվեստական ղեկավար և գլխավոր դիրիժոր Էդուարդ Թոփչյանի ղեկավարությամբ: Երգեհոնով նրանց կնվագակցի Գարի Քյոսայանը:
«Որպես հայ քրիստոնյա' միշտ երազել եմ գրել «Ավե Մարիա»' ձոն առ մայրության, ձոն առ Մարիամ Աստվածածնի: Շնորհակալ եմ Աստծուն, որ ինձ բախտ վիճակվեց նման գործ գրել»,-շեշտում է կոմպոզիտորը:
Ստեղծագործությունն առանձին ձայնասկավառակի տեսքով հասանելի կլինի հունիսի 24-ից: Ձայներիզում «Ավե Մարիա»-ն հնչում է Հայաստանի ազգային ֆիլհարմոնիկ նվագախմբի և երգչուհի Իրինա Զաքյանի կատարմամբ: Գարի Քյոսայանն իր խորին շնորհակալությունն է հայտնում Ռուսաստանի «Զարգացման հիմնադրամ»-ին' ի դեմս գործարար Արման Սահակյանի, որի շնորհիվ հնարավոր դարձավ սկավառակի լույսընծայումը:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
